LAS AVES

La Cava

2022ko uztailaren 29, ostirala - 22.00etan

Aristofanesen Las aves K.a. 414an estreinatu zen. Bi atenastar dirudunen historia, beren arazo partikularretan esku hartze publikoaz aspertuta, gizakien mundua utzi eta zibilizazio berri bat sortzeko hegaztiak konbentzitzen dituztenak.

Atenasko demokraziak berrogeita hamar urte bete ere ez ditu egin, eta Aristofanesek jada salatzen ditu herriaren arazoak beren helburu indibidualak lortzeko erabiltzen dituzten horiek.

2.500 urte geroago, La Calòricak Las aves birbisitatzen du populismo neoliberala funtzionarazten duten mekanismo emozionalak aztertzeko eta nazioartean izan duen gorakadaren arrazoiak zalantzan jartzeko.

Zer egin dugu populismoa geldiarazteko? Zenbateraino gara iragazgaitzak haien lelo sendoen aurrean? Zer geratzen da benetan demokratikoa mendebaldeko demokrazietan?

Ikuskizun honetan, La Calòricak bere kideen ahalmen komikorik handiena ateratzen du komedia larria, gehiegizkoa, batzuetan jasanezina ere sortzeko. Hegaztiei hitz eginarazten dien komedia eta buruzagi politikoak DJ mesianiko bihurtzen dituena.

Komedia honetan umorerik beltzena eta absurdoena diskurtso politikoenaren zerbitzura jartzen da. Komedia eklektikoa, publikoak sailkatzeko asmoz erabil dezakeen edozein koordenatu kartesiar lehertarazteko gauza.

AKTOREAK

Xavi Francés, Aitor Galisteo-Rocher, Esther López eta Marc Rius.

LANTALDE ARTISTIKOA ETA TEKNIKOA

Zuzendaria: Israel Solà / Dramaturgia: Joan Yago / Eszenografia, jantziak eta argiztapena: Albert Pascual / Soinu-espazioa: Guillem Rodríguez, Arnau Vallvérekin elkarlanean / Karakterizazioa: Anna Rosillo / Eszenografiaren eraikuntza: La Calòrica eta La Forja del Vallès / Jantzigintza: Albert Pascual / Eszenografiaren LED argiak: L&D Lights / Makinista: Pere Sánchez / Off ahotsak: Queralt Casasayas, Arnau Puig, Andrea Ros, Vanessa Segura, Júlia Truyol eta Pau Vinyals / Ikuskizunaren argazkigintza: Anna Fàbrega / Ikuskizunaren bideo-grabaketa: Moosemallow Crew / Ekoizle exekutiboa: Júlia Truyol.