María Luisa Elío nafar aktorea eta sortzailea Mexikon erbesteratuta egon zen, eta ‘Cien años de soledad’ idazteko prozesuan Gabriel García Marquezi lagun egiteko pribilegioa izan zuen. Eliok, era berean, ‘Tiempo de llorar’ idatzi zuen. Bi testuek badute zerbait batera: existitzen ez diren tokiei buruzkoak dira.

'Y volver, volver, volver…' saioan, bi aktorek María Luisa Eliori hel egingo diote eta hark eduki ez zituen aukera batzuk eskaintzera jolastuko dira. Erbestealdi batean irauteko unibertso posible bat, jatorrizko lekua presente duena eta bizitzeko lurralde moduan sorkuntza artistikoak irekitako aukera berriekin. Maialenek eta Emiliak galdera honetan oinarritzen den jolas eszenikoa planteatzen dute: sorkuntza artistikoak ahalbidetu ahal digu existitzen ez diren tokietan bizitzea?

PARTE-HARTZAILEAK

Maialen Díaz eta Emilia Ecay, Aurora Moneo eta Carmelo Gomezen kolaborazioarekin.