Erriberriko Antzerki Jaialdiak berriro ere zenbait topaketa antolatu ditu edizio honetan programatuta dauden konpainia batzuetako artistekin eta prentsa espezializatuan erreferentziakoak diren kazetari batzuekin, publikoak parte hartzeko aukerarekin.

Oraingo honetan, Machús Osinaga (RTVEko kazetaria, aditua arte eszenikoetan), Daniel Galindo (RNEko La Sala irratsaioaren zuzendaria) eta Raúl Losánez (antzerki-kritikaria La Razón egunkarian) hizketan ariko dira ‘Forever’ antzezlaneko taldearekin. Kulunka Teatro konpainiaren, Zentro Dramatiko Nazionalaren, Donostiako Victoria Eugenia Antzokiaren eta Bilboko Arriaga Antzokiaren koprodukzioa da.

Tragikomedia eder eta sakona da, etorkizunerako ditugun proiekzioen eta errealitatearen beraren artean dagoen aldetik sortzen dena. 

Hala, samurtasuna eta gordintasuna konbinatzen dituen ikuskizun batean mozorroen lengoaia isilaren alde egitera bultzatzen duen proposamen baten sorkuntza-prozesura gerturatu ahal izango dira bertaratzen diren ikus-entzuleak. 

Artistekin eta kazetariekin egiten diren topaketa hauetan, aperitibo bat zerbitzatuko da, Reyno Gourmeten eskaintza moduan.

Sarrera librea da, edukiera bete arte.