Yarleku Teatro, aurtengo programa ofizialean La casa más pequeña lanarekin parte hartzen duena, Jaialdiak edizio bakoitzean deitzen duen egonaldi artistikoa egiteko aukeratutako konpainia da.

Taldeak gizarte- eta hezkuntza-izaerako ikuskizunak sortu nahi ditu, antzerkiaren ikuspegi plastikoa eta balioen transmisioa uztartuz. Oraingoan Retales ikuskizuna sortzeko objektuaren poetika ikertzeari ekin dio.

Retales familiendako antzezlan bat da, non bat egiten duten antzezleen interpretazioak eta objektuen eta txotxongiloen antzerkiak. Egonaldi honetan horretan, Yarleku, María Parrato zuzendariaren eskutik, sormen-prozesura hurbilduko da.

Ezartzen zaizkigun patroiak alde batera utzita, norbera izateko ausardiari buruz hitz egiten duen kontakizun bati ekingo diote, non gorputzen eta identitateen aniztasuna aberastasuna den. Retalesen, adiskidetasunak eta amets partekatuak mundu bizigarri bat sortzeko indarra ematen dute, haraino hegan egiteko.