Beste jarduerak
Testu poetikoen eta poesiaren zikloa
Nafarroako sei talde profesionalek (gehienez) egile klasikoen testu poetikoen zikloa osatuko dute. Jarduera honen helburua da musika eta hitza Erriberriko toki guztietara eramatea.
Emanaldiek gutxi gorabehera 20 minutuko iraupena izango dute, eta jaialdiko asteburuetan egingo dira, herriko kokaleku desberdinetan.
Marcela, la voz de la mujer libre
El guardainfante, entremés cantado
Aktoreentzako tailerra, Antonio Simónekin
Erriberriko Jaialdiak aktoreentzako tailer batean parte hartzeko 14 leku eskaintzeko deialdia egingo du. Tailerra, hain zuzen, uztailaren 24a eta 28a artean egingo da, 10:00etatik 14:00etara, Erriberriko kultur etxean. Antonio Simón antzerki zuzendariaren metodologian oinarrituko da –25 urtean baino gehiagoan Bartzelonako Institut del Teatren praktika pedagogikoan arituta garatu duen metodologia– eta bai hogeita hamar eszenaratzetan baino gehiagotan aktoreak zuzentzen hartutako eskarmentuan ere.
Laborategia Denise Despeyrouxekin
Uztailaren 31 eta abuztuaren 4a artean egingo da, 17:00etatik 21:00etara, Erriberriko kultur etxean. Denise Despeyrouxek gidatuko du, eta Marivauxen La Dispute komedian oinarrituko da. 20 aktorek parte hartu ahal izango dute. Parte hartzeko prezioa 60 eurokoa da.
Laborategia ideia honetatik abiatuko da: antzerkiaren profesionalak ez du ezer baliotsuagoa bere berezitasun emozionala baino. Hori dela-eta, emozioak esploratuko dira, aktoreei beren erregistroa handitzen eta berezitasun horri ahalik eta etekin handiena ateratzen laguntzen dien tresna den heinean.
Egoitza-laborategirako deialdia
2017ko Erriberriko Antzerki Jaialdiak lanerako egoitza eta ikerketa laborategi bat proposatzen du Nafarroako talde profesional batek aurkeztutako proiektu artistiko baterako. Uztailaren 21a eta abuztuaren 5a artean egingo da, biak barne, jaialdia egin bitartean, eta Erriberriko ikastetxe publikoko erabilera anitzeko gelan egingo da, herriko Udalak utzita. Erabakitzen den ordutegian egingo da, goizeko eta arratsaldeko saioetan.
Hoidej Producciones.
